تردد اسمه كثيرًا بين سكان مدينة سوهاج الجديدة..من هو المهندس “أحمد خالد مقلد”

أينما تعثرت قدماك فى مشكلة فى مدينة سوهاج الجديد وتبحث عن حل تسأل أصدقائك ممكن اكلم مين يساعدنى؟ تجد إجابة واحدة من الجميع.. كلم المهندس أحمد خالد، شخص بشوش مرحاب يسعى لخدمة الكبير والصغير الغريب قبل القريب شاب خلوق، ملتزم، لايكل ولايمل من خدمة الناس هاتفه مفتوح للجميع..ياترى مين هو أحمد خالد.

هوالمهندس أحمد خالد مقلد، من مواليد مدينة سوهاج، من عائلة عريقة ومعروفة فى مدينة سوهاج تم تعيينه فى هيئة المجتمعات العمرانية، تدرج فى عدد من الوظائف حتى تولى نائب رئيس جهاز مدينة سوهاج الجديدة ومازال يعمل بنفس الكفاءة لخدمة الناس منذ تعينه مهندس صغير الى أن أصبح الرجل الثانى فى جهاز مدينة سوهاج، هو مثال ونموذج مشرف للموظف المحترم المجتهد.

ويقول عنه محمود فراج، سمسار عقارات: “أن سنة 2009 نزلت اقدامي مدينة سوهاج الجديدة كانت فعلا صحراء جرداء تقابلت مع شخصيات محترمة كتير من المستثمرين والسكان ورجال جهاز مدينة سوهاج الجديدة فيه منهم اللي موجود معانا وفيه منهم اللي توفاه الله رحمة الله علينا جميعا..

اقرأ أيضا:

بطاقة تعارف اليوم..الدكتورة “تريز رضا” الطبية المتميزة والام المثالية لعام 2024 (بروفايل)

من سوهاج للعالمية ..من هو العالم المصري الدكتور محمود عبد العاطي؟

وأضاف، كنت اسمع عن أسماء كتير في جهاز مدينة سوهاج الجديدة فيه منهم اللي كنت اعرفه شخصيا وفيه منهم اللي كنت اعرفه اسم ولكن لم اتشرف بمعرفته شخصيآ، ومن ضمن الاسماء اللي كنت اسمع عنها دايما، مهندس اسمه احمد خالد وكان اسمه متردد كتيرا بين السكان والمستثمرين وأغلب المترددين علي المدينه لدرجة اني افتكرته رئيس الجهاز.

كان دايمآ اللي معاه مشكلة في كهرباء او نظافة او مواصلات يقولي الله يباركله المهندس احمد خالد حللي المشكلة بتاعتي كان دايما اي مستثمر معاه مشكلة يقولي الله يباركله المهندس احمد خالد حللي المشكلة كان أي حد من السكان يشتكي عن اي حاجه مكنش يلاقي قدامه غيره.

وتابع: قلت لازم أشوف المهندس ده، وسألت عليه، قالولى فى جوله بره وأول مرة اشوفه أجده وسط عمال التنمية في شهر 7 في درجة حرارة تجاوزت 42 درجة  مش قاعد في التكييف ولا قاعد جوه العربية ابتديت أتابعه واللي شفته وعرفته إنه مش بس مهندس لا لقيته اب واخ وصديق وسند لكل العمال والمترددين علي مدينة سوهاج الجديدة”.

ويضيف اسماعيل ضيف من سكان المدينة، المهندس أحمد شخصية محبوبة ومعروف لدرجة أنه من الفكاهة بين السكان من كثر انتشار أسمه اللى يضيع منه حاجة او يتوه حتى ابنه يقولوله كلم أحمد خالد”.

ويضيف المهندس نشأت إسماعيل، أحد المهندسين المتعاملين مع جهاز المدينة هو شاب أسمر، وشه ديما بشوش، قليل الكلام كثير الفعل، كثير الحركة قليل الجلوس فى المكاتب، كثير الادب قليل الظهور يكره  الشو الإعلامى وأخذ اللقطة، متواضع يحب الجميع”.

وفى إطار مبادرة موقع “ الحياة 24”، “نجم الأسبوع” لإلقاء الضوء على النماذج المشرفة كان من بينها ترشيح أسم المهندس أحمد خالد مقلد من قبل سكان المدينة.